Почитувани,

Ја имаме честа и задоволството да ве поканиме на изложбата фотографии од Фото клубот Марибор, Словенија, чие отварање ќе биде на 03. Мај 2012 во 20:00 часот во Кинотеката на Македонија. На изложбата насловена “фотографи” ќе бидат претставени најдобрите остварувања на членовите од Фото клубот Марибор, еден од најстарите и највлијателните фото клубови во Словенија, а изложбата ќе ја отвори Амбасадорот на Р. Словенија г-динот Ален Брајан Бергант. Воедно ве известуваме дека Фото клубот Елема од Скопје на 04.мај.2012 ќе се претстави со фотографии од своите членови во Универзитетската библиотека во Марибор. Тоа е голема чест за Елема, во годината кога слави 50 години од своето постоење, да се претстави во европскиот град на културата за 2012 – Марибор. Ќе ни биде задоволство доколку со вашето присуство дадете поддршка на оваа културна размена и на нашите заложби за соработка со фото клубови надвор од Македонија и го најавите и медиумски го покриете овој настан. Изложбата е организирана од Фото клубот Елема, Скопје, во соработка со Словенечката амбасада во Скопје и со Кинотеката на Македонија, поддржана од Фото сојузот на Македонија.

Со почит, Фото Клуб Елема

Драги Фотографи/Фотографки, љубители на фотографксата уметност

Фото сојузот на Македонија има особена чест и задоволство да ВИ испрати покана за учество на јубилејното 50то издание на манифестацијата Денови на Македонската Фотографија (ДМФ) 2012.

Денови на македонската фотографија го претставуваат пресекот на македонското фотографско творештво во тековната година и е најстара фотографска манифестација во државава. Оваа година ќе се одржат по 50^ти пат.

Во пропратните настани, покрај фото-работилницата, ФСМ ќе организира и изложба на фотографии на доајенот на македонската фотографија Благоја Дрнков, МФ ФСМ, во чест на одбележување на неговото капитално фотографско дело.

Организатор на изложбата и на фото работилница е Фото сојузот на Македонија.

Приредувач на Денови на македонската фотографија 2012 е град Kочани.

Отворање на изложбa е 16.06.2012 во 20ч, во Домот на култура.

Веруваме дека ќе се согласите дека е особена чест да се учествува на еден ваков јубилеј-празник за сите искрени љубители на фотографската уметностhttp://www.blogger.com/img/blank.gif а едновремено и голема одговорност за нас.

Затоа ги повикуваме сите автори/авторки државјани на Р. Македонија, да ги испратат своите дела на ДМФ 2012.

Пропозиции за учество тука.

© Chkrap!*2012

Photo-cinema club Kozjak50

The 1st International exhibition of art photography STREETS 2012 was a great success. The organizing committee counted 5173 arrived photos from 520 authors from 57 country. All photos are fabulous with special cultural characteristics that makes our photo contest step up to a higher level of artistic quality. We very much appreciate all photographers.

The judging of 1st International exhibition of art photography STREETS 2012 is now finished. The judges accepted 493 photographs in OPEN section, 354 in STREETS section and 370 photographs in NATURE section.

STREETS SECTION

FIAP Gold Medal: Mustafa Gezer – Child and street (Turkey)
FIAP Silver Medal: Nikolay Smolyak – Walk (Russian Federation)
FIAP Bronze Medal: Valerio Perini – Stone and chalk (Italy)
FIAP Ribbon: Aleksandar Tomulic – Man and dog (Croatia)
FIAP Ribbon: Zoran Andonov – ZAN_12 (Macedonia)
FIAP Ribbon: Erkan Kalen Derli – On the street 2 (Turkey)

UPI Gold Medal: Mario Milicevic – Wet Waiters (Croatia)
UPI Silver Medal: Jure Kravanja – Eternity of the moment (Slovenia)
UPI Bronze Medal: Leanne Alessi – Future Aspirations (Australia)
UPI Diploma: Huan Zhong – Happy event in old street (China)
UPI Diploma: Miljenko Marotti – Umbrella in the storm (Croatia)
UPI Diploma: Wilkie De Bondt – Everyone’s time (Belgium)

Честитики до Зоран Андонов од Фотогрупата “Чкрап!“ од Тетово, единствениот награден автор од Македонија!

© Chkrap! * 2012

photo © r.jankuloski*2012

Место: Македонски центар за фотографија
Времетраење: 15 – 26. март 2012
Обучувач: Роберт Јанкулоски
Цена: 4800 денари (во цената се вклучени 20 работни часа)
Рок за пријавување: 14. март 2012
Контакт: Лидија Пајевиќ, 071 309 993

Краток опис на курсот
Курсот има за цел да ги воведе учесниците во основите на дигиталната фотографија преку обработка на следниве содржини: појава на дигиталната фотографија; дигитални фото камери, мемориски картички, сензор и објектив; креативна употреба на експозицијата; боја и температура на боја; формати на эапис: RAW, TIFF, JPEG. Курсот опфаќа предавања, демонстрации и практични вежби преку кои учесниците ќе се стекнат со теоретски знаења и практични вештини за изработка на дигитални фотографии. На крајот од курсот ќе се одржи презентација на најуспешните фотографии.

Кратка биографија за обучувачот
Доц. м-р. Роберт Јанкулоски (роден 1969) е основач на Македонскиот центар за фотографија. Предава фотографија на катедрата по фотографија на Универзитетот за аудиовизуелни уметности ЕСРА во Скопје. Има одржано 23 самостојни изложби во Македонија, Франција, Бугарија, Австрија, Србија, Германија, Турција и Унгарија. Учествувал на многу групни изложби вклучувајќи ги Манифеста 1 – Европско биенале на современи уметности во Ротердам, 1996, Context Europe (Импулс од Балкан) во Виена 2002. Добитник е на повеќе награди за фотографија. Има работено како фотограф на долгометражни филмови и има снимено неколку документарни филмови.


ПРОГРАМА ЗА РАБОТА

15. 03. 2012 (четврток) 18:00 – 22:00
Теоретски дел. Појава и развој на дигиталната фотографија. Сличности и разлики меѓу класичната и дигиталната фотографија. Најзначајни имиња во фотографијата. Основни елементи на дигиталните фото камери. Објективи, поделба и карактеристики. Креативна употреба на објективите. Предавањето е пропратено со визуелна презентација и демонстрации.

16. 03. 2012 (петок) 18:00 – 22:00
Теоретски дел. Основи на светло и композиција. Креативна употреба на светло и експозиција. Начини на одредување експозиција. Боја и температура на боја. Формати на запис: RAW, TIFF, JPEG. Предавањето е пропратено со визуелна презентација и демонстрации.

Во периодот од 17-21 март 2012 слушателите фотографираат самостојно или во група врз основа на насоките од обучувачот.

21.03.2012 (среда) 18:00 – 22:00
Практичен дел. Анализа на фотографии и обработка на снимениот материјал во Photoshop.

22.03.2012 (четврток) 18:00 – 22:00
Практичен дел. Анализа на фотографии и обработка на снимениот материјал во Photoshop.

Во периодот од 23-26 март 2012 слушателите повторно сами фотографираат доколку, врз основа на предходната анализата, оценат дека имаат потреба од нов материјал.

26.03.2012 (понеделник) 18:00 – 22:00

Практичен дел. Избор на најдобри фотографии за изложбата. Дигитална обработка на фотографиите. Припрема на фотографиите за печатење.

Македонски центар за фотографија
ул. Железничка 18 (Мала станица)
Тел. 071 309993
e-mail. makcentarfoto@gmail.com